Билимлер беллесиўиниң 3-4-басқыш жуўмақлары ҳәм келешек ўазыйпалар
    
 
    Республикалық 3-басқыш билимлер беллесиўи усы жылдың 28-31-май күнлери Нөкис қаласындағы  18-санлы улыўма орта билим бериў мектебинде үлкен шөлкемлескенлик жағдайында өткерилди. Атап айытқанда, окыўшылардың ҳәм төрешилер қурамы ағзаларының келип кетиўи, аўкатланыўы, жатақхана менен тәмийинлениўи ҳәм дем алыўы ушын  қолайлы шараятлар жаратылды,  Беллесиўдиң әдалатлы өтиўи ушын  ҳәр бир пән ханасына видеокамералар орнатылды. 3-басқыш беллесиўинде улыўма билим бериў пәнлери бағдары бойынша -623, қәнигелестирилген пәнлер бағдары бойынша -126, жәми 749 оқыўшы қатнасты.  Оқыўшылардың билимин әдалатлы баҳалаў мақсетинде жәми 218 төрешилер ағзасы, 48 аудитория баслықлары ҳәм де 14 апелляция комиссиясы ағзалары хызмет көрсетти.
   Беллесиўдиң нәтийжеси бойынша 28 оқыўшы (буннан тысқары 2 оқыўшы қарақалпақ тили ҳәм әдебияты пәнинен жеңимпаз) окыўшы беллесиўдиң Ташкент қаласында өткерилген жуўмақлаўшы басқышында қатнасып қайтты.
  Олардан Төрткул районындағы 30-санлы мектептиң 8-класс оқыўшысы  Уринбаев Акбар  химия пәнинен (муғаллими Худайбергенов Илҳам), Беруний районы 25-санлы мектептиң 7-класс оқыўшысы Артикбаев Айгерим (муғаллими Атажанова Тазагул), Нөкис районы 1-санлы мектептиң 8-класс оқыўшысы Бердимуратова Сарбиназ (муғаллими Алланазарова Мийўагүл) өзбек тили (мәмлекетлик пән) пәнинен, Нөкис қаласы 31-санлы  мектептиң 7-класс окыўшысы  Жаксымуратова Азада (муғаллими Утебаева Клара), 28-санлы мектептиң 8-класс оқыўшысы Искендерова Дилфуза (муғаллими Сейтанов Саламат) қарақалпақ тили ҳәм әдебияты пәнинен I-орынды ийелеп жеңимпаз болды.
         Сондай ақ,  Республикалық 11-санлы қәнигелестирилген мектептиң 8-класс оқыўшысы Сабуров Баҳрамбек (муғаллими Сапарниязов Абай)  информатика пәнинен, Қараозек районы 7-санлы мектептиң 8-класс окыўшысы Темирбаев Еркинбай (муғаллими Сейдаметова Урзия) экономика билим тийкарлары пәнинен, Шымбай районы 36-санлы мектептиң 7-класс оқыўшысы Гоззал Турдымуратова (муғ. Рано Бекмуратова), Нөкис районы 21-санлы мектептиң 7-класс оқыўшысы Диярбек Абдиреймов (муғ Отемуратова Тамара),  Шымбай районы 14-санлы мектептиң 8-класс оқыўшысы Перизат Қурбанбаева (муғ. Искендерова Бибисара), Нөкис қаласы 31-санлы қәнигелестирилген улыўма билим бериў мектебиниң 8-класс оқыўшысы Султан Жумабековлар (муғ. Узақова Салима) қарақалпақ тили пәнинен 2-орынларды, Елликқала районындағы Республикалық 13-санлы қәнигелестирилген мектеп-интернаттың 7-класс окыўшысы Искендеров Нодирбек (муғаллими Аметов Мансур) физика пәнинен, Қанлыкөл районы 5-санлы мектептиң  7-класс оқыўшысы Гулзада Шыныбаева (муғ Исмаилова Мийиргул), Кегейли районы 40-санлы мектептиң    7-класс оқыўшысы Перизат Жиенбаева (муғ Ниетуллаева Гумисай), Тахтакөпир районы 10-санлы мектептиң 7-класс оқыўшысы Асия Матханова (муғ Орынбетова Турдыгул), 8-класслар бойынша Кегейли районы 14-санлы мектептиң оқыўшысы Данийра Мнажатдинова (муғ Нарымбетова Айтгул), Қоңырат районы 34-санлы қәнигелестирилген мектептиң муғаллими Сайёра Сапарбаева (муғ. Алиева Света), Нөкис районы 21-санлы мектептиң оқыўшысы Айбек Турғанбаевлар  (муғ Отемуратова Тамара) сыйлықлы III-орынды ийелеп, республикамыз оқыўшылары рейтингин көтериўге өзлериниң салмақлы үлесин қосты. Сондай ақ, оқыўшыларымыз 7-класс тарийх, 8-класс ҳуқықтаныў, биология, физика пәнлеринен 80 баллдан жоқары балл топлады. Соның менен бирге бул оқыўшылар өзлериниң  мектеп, район(қала) жәмәәтиниң орташа баллары есабынан қосымша 20-50 пайызға шекем хошаметлеў  балларын алыў мүмкиншилик жаратты.
  Соның менен бирге, республикалық 3-басқышта жеңимпаз болған 30 оқыўшы Ташкент ўәлаятындағы "Қуёшли” жазғы интеллектуал дем алыў орайында дем алыўы ҳәм профессор-оқытыўшылар, жәҳән чемпионлары, белгили шайыр, алымлар менен ушырасыўлар ҳәм "мастер-класс” саатлары өткерилди.

Sana: 2016-07-15 /// O'qildi: 388
Orqaga qaytish


Ne eksen/ soni' orasan'

Xali'q