«Баслаўыш класс муғаллимлери» Форумы
    Өзбекистан  Республикасы Халық   билимлендириў  министирлиги тәрепинен 2016-жыл 29-июль күни Халық билимлендириў министрлигиниң 100-санлы буйрығына тийкарланып, 2016-жыл 29-июль күни өткерилген видеосеминарда белгиленген ўазыпалардың орынлыныўы бойынша  Қарақалпақстан Республикасы Халық   билимлендириў  министирлигиниң 2016-жыл 29-июль 186-санлы буйрығы шығарылып, ол бойынша  "Баслаўыш билим бериў муғаллимлери форумы» усы жылдың 10-13-август күнлери барлық улыўма билим бериў мектеплерин аймақларға бөлген ҳалда (1-аймақ Қоңырат районы, 2-аймақ Шымбай районы, 3-аймақ Елликқала районы, 4 аймақ-Нөкис қаласы) өткерилди.
   Форумға таярлық көриў ҳәм оны өткериўде жоқары шөлкемлестириўшилик  мәселелери: өткериў орынлары, қатнасыўшыларға жалпы ҳәм секция мәжилислеринде  қолайлықлар жаратыў, өткериў бағдарламасы тийкарында Форум модераторлары ҳәм тренерлери жумысларының нәтийжели алып барлыўы толық тәмийинленди.
   Қоңырат районында өткерилген 1-аймақ Республикалық Форумға Қанлыкөл, Мойнақ, Шоманай РХБМХМТҳШБ  УББ мектеплери ҳәм усы аймақта жайласқан Республикалық бойсыныўдағы баслаўыш класс мугаллимлери катнасты.
    Форумды  ҚР ХБМ Қ.Бектурдиев ашып берди «Баслаўыш билим бериўди модернизациялаў оқыў-тәрбия процессиниң сыпатына нәтийжели тәсийри» атамасындағы өз баятында Форум қатнасыўшыларын Өзбекистан Республикасы Ғәрезсизлигиниң  «Гөззал ҳәм бийтәкирарымсаң, муқаддес Ўатаным, жаным саған пидә, Өзбекистаным!» сүрени астында өткеирлетуғын 25-жыллығы,  бүгинги салтанатлы ис-илаж өткерилиўи менен шын жүректен қутлықлады.
    Секция мәжилислери 6 бағдарда өткерилип, онда тренер модераторлардан РХБХҚТҳҚАИ «Баслаўыш  тәлим» кафедрасы баслығы Б.Утемуратов «Баслаўыш классларда рус ҳәм өзбек тиллерин оқытыўда алдыңғы педагогикалық ҳәм хабар технологиялары» бағдарында, "Баслаўыш классларда ана тили сабақларында руўхый-ағартыўшылық тәрбияны қәлиплестириў ўазыйпалары” баянаты менен, РОМО баслаўыш класс методисти Г.Абдикаримова «Баслаўыш билим бериўдиң сыпат, нәтийжелилигин арттырыўда заманагөй қатнаслар» бағдарында  "Баслаўыш классларда электрон мултимедиалы ресурслардан нәтийжели пайдаланыў” темасында тезислери менен қатнасты.
     "Баслаўыш классларда шет тиллерин оқытыўда заманагөй технологиялар” секция бағдарында РХБХҚТ ҳәм ҚАИ К.Қурбанбаев "Шет тилинен  баслаўыш билим бериўдиң сыпат ҳәм нәтийжелилигин асырыў жоллары” тезислери, "Баслаўыш классларда билим бериў процессинде алдыңғы педагогикалық ҳәм хабар технологияларының компетенция ларды қәлиплестириўдеги әҳмийети” баянаты менен Нөкис қаласы 2-санлы мектеп Форум қатнасыўшысы  Д.Баймуратова, «Прогресс»  билимлендириў орайы баслаўыш класс муғаллими А.Кунназаровалар бүгинги күн баслаўыш билим бериўде нәтийжели билим бериўге ерисиўде  компетенциялық қатнасықларда жетилистириўде  педагогикалық технологиялардың ҳәм тәлим методларының орны ҳақкында тоқтап өтти.
     Республикалық форум 4 аймақта: 1) Қоңырат районы (Қанлыкөл, Шоманай,Мойнақ, Хожели районларын қамтыған ҳалда)  2) Шымбай районында (Тахтакөпир, Қараөзек, Кегейли районларын қамтыған ҳалда),3) Елликқала районында  (Төрткүл, Беруний, ҳәм Нөкис қаласында(Әмийдәрия, Нөкис районларын қамтыған ҳалда) өткерилди.
  Республикалық басқыш Форумға  696 билимлендириў мәкемеси қамтылды, форум материаллары ҳәм баслаўыш билим бериўде билимлендириў процессине енгизилген инновацияларды жетилистириў бойынша жәми 791 баслаўыш класс муғаллимлериниң тренерлик хызмети шөлкемлестирилди. Жаңа 2016-2017-оқыў жылында барлық билимлендириў мәкемелери баслаўыш класс муғаллимлерине форум материалларын жеткерип бериў, оларды билим бериў процеесинде кеңнен пайдаланыў бойынша усы жыл  28-30-Августь күнлери улыўма билим бериў мектеплеринде Августь кеңеслерин өткериў белгиленген.

Sana: 2016-08-24 /// O'qildi: 352
Orqaga qaytish


Aqi'li' ka'mil ilimi zor, bilimli el bolmaydi' qor

Berdax