Билимлер беллесиўи -инталы, билимли ҳәм зийрек оқыўшыларды төменги класслардан баслап анықлаў имканын жаратады

Республикамыздың барлық район (қала)ларында 5-8-класс мектеп оқыўшылары арасында бәҳәрги дем алыс күнлеринде улыўма орта билим бериў пәнлери бойынша билимлер беллесиўиниң район(қала) басқышы жоқары шөлкемлескенлик жағдайында өткерилди.

Билимлер беллесиўине қатнасыўшылар ушын жетерли  материаллық техникалық базаға, оқыўшылардың келип кетиўи, аўкатланыўы, жатақхана менен тәмийинлениўи ҳәм де дем алыўы ушын қолайлы шараятларға ийе улыўма орта билим бериў мектеплери таңлап алынды,  Беллесиўдиң әдалатлы ҳәм әшкаралық жағдайында өтиўин тәмийинлеў ушын  ҳәр бир пән ханасына видеокамералар орнатылды. Екинши басқыш беллесиўинде улыўма билим бериў пәнлери бағдары бойынша 20760 оқыўшы қатнасты.  Оқыўшылардың билимин әдалатлы баҳалаў мақсетинде тәжрийбели төрешилер қурамы, аудитория баслықлары ҳәм де апелляция комиссиясы ағзалары тайынланды.  

             Беллесиўдиң 2-басқыш жуўмағы бойынша 76 ҳәм оннан жоқары балл топлаған 7-8-класс оқыўшыларынан 439 оқыўшы беллесиўдиң Нөкисқаласында өткерилетуғын Республикалық 3-басқышына қатнасыў ҳуқықын қолға киритти. Билимлер беллесиўиниң Республикалық 3-басқышын өткериў усы жылдың апрель айының соңғы 10 күнлигине белгиленген.

Sana: 2017-04-01 /// O'qildi: 198
Orqaga qaytish


Ne eksen/ soni' orasan'

Xali'q