«Жылдың ең жақсы пән оқытыўшысы» таңлаўы жуўмақлары


Өзбекстан Республикасының «Билимлендириў ҳаққында»ғы Нызамы, «Кадрлар таярлаўдың миллий бағдарламасы» ҳәмде «Мектеп билимлендириўин раўажландырыўдың Мәмлекетлик улыўма миллий бағдарламасы»н турмысқа енгизиў, сондай-ақ улыўма билим бериў мектеплериниң педагог хызметкерлери арасынан алдыңғы ис тәжирийбеге ийе, искер ҳәм дөретиўши муғаллимлердиң  пәнлер бағдарындағы қәбилетин анықлаў, анықланған алдыңғы ис тәжирийбелерди ен жайдырыў ҳәм олардықоллап-қуўатлаў мақсетинде Қарақалпақстан Республикасы Халық билимлендириў министрлигиниң «Жылдың ең жақсы пән оқытыўшысы» таңлаўының Республикалық басқышын шөлкемлестириў ҳәм өткериў ҳаққындағы 2013-жыл 12-февральдағы 29-санлы буйрығы шығарылды.

Таңлаўдың Республикалық басқышында 13 пәннен  жәми 147 муғәллим қатнасып, соннан  30 (1-, 2-, 3-орынлар) муғәллим жеңимпаз деп табылды ҳәм Өзбекстан көлеминде өткерилетуғын жуўмақлаўшы басқышта қатнасыў ҳуқықына ийе болды.  Жәми 12 пәннен жеңимпазлар  анықланды ҳәм кейинги басқышқа жоллама алды.

Таңлаўдың Республикалық басқышы буйрыққа муўапық 2013-жылдың 11-16-март күнлери аралығында белгиленген кесте тийкарында Нөкис қалалық ҳәм Хожели районлық халық билимлендириў мәкемлери хызметин методикалық тәмийинлеў ҳәм шөлкемлестириў бөлимине қараслы улыўма орта билим бериў мектеплеринде өткерилди.

Таңлаў режеге муўапық төрт басқышта өткерилди. Атап айтқанда, биринши басқыш жазба жумысы, екинши басқыш сораў-жуўап, 6шинши басқыш компьютер технологияларынан пайдаланып сабақ исленбе жаратыў ҳәм төртинши басқыш көргизбели ашық сабақ өтиў.

Таңлаўдың Өзбекстан Республикасы көлеминде өткерилген басқышында республикамыздан  10 пән бағдарлары бойынша қатнасып қайтқан жеңимпаз муғәллимлерден  Қоңырат районы 38-санлы мектептиң тарийх пәни муғаллими Сапарбаев Бердибай сыйлықлы  I-орынды, Елликқала районы 5-санлы мектептиң математика  пәни муғаллими Матниязов Эргаш  сыйлықлы III-орынды ийелеўге миясар болды.

Сондай-ақ, Тақыятас қаласы 4-санлы мектептиң информатика пәни муғәллими Усеров Адилбек, Нөкис районы 1-санлы мектептиң рус тили ҳәм әдебияты пәни муғәллими Уразалиева Зульфия, Хожели районы 15-санлы мектептиң Миллий ғәрезсизлик идеясы ҳәм руўхыйлық тийкарлары топарына кириўши пәни муғәллими Бәўенова Манзуралар «Ең жақсы сабақ исленбе» номинациясы менен сыйлықланды.

Sana: 2013-05-02 /// O'qildi: 876
Orqaga qaytish


Aqi'li' ka'mil ilimi zor, bilimli el bolmaydi' qor

Berdax