Шет тилинен билим бериўдиң сапасын ҳәм нәтийжелилигин арттырыў

 

 
 

Өзбекстан Республикасының  «Билимлендириў ҳаққында»ғы ҳәм «Кадрлар таярлаўдың миллий бағдарламасы ҳаққында»ғы Нызамлары, Өзбекстан Республикасы Президентиниң 2012-жыл 10-декабрьдеги «Шет тиллерди үйрениў системасын және де жетилистириў ис-илажлары ҳаққында»ғы ПҚ-1875-санлы қарарының орынланыўын тәмийинлеў, шет тилинен билим бериўдиң сапасын ҳәм нәтийжелилигин арттырыўда шет тили пәни муғаллимлериниң кәсиплик шеберлигин раўажландырыў барысында оларға әмелий методикалық жәрдемлер көрсетиў мақсетинде улыўма билим бериў мектеплеринде шет тили пәнинен билим бериўдиң сапасын ҳәм нәтийжелилигин арттырыўда шет тили пәни муғаллимлериниң кәсиплик шеберлигин раўажландырыў  мақсетинде Қарақалпақстан Республикасы Халық билимлендириў министрлигиниң 2014-жыл 15-январьдағы 15-санлы хәм Тахтакөпир районлық халықбилимлендиирў мәкемелери хызметин методикалық тәмийинлеў ҳәм шөлкемлестириў бөлиминиң 2014-жыл 17-январьдағы 6/1-санлы буйрығын басшылыққа алып 2014-жыл 29-январь күни Тахтакөпир районлық 3-санлы қәнигелестирилген мәмлекетлик улыўма орта билим бериў мектебинде "Шет тилинен билим бериўдиң сапасын ҳәм нәтийжелилигин арттырыўда шет тили пәни муғаллимлериниң кәсиплик шеберлигин раўажландырыў” атамасындағы әмелий методикалық семинар-кеңесин шөлкемлестирилди.

Семинар кенеске улыўма орта билим бериў мектеплериниң инглис тили пани мугаллимлеринен  қатнасты. Семинар кеңесте 1-классларда 4 көргизбели саат шөлкемлестирилип, 5-санлы мектептин инглис тили мугаллими Сейилханова Рита, 3-санлы  мектептин инглис тили мугаллими Палуанова Айнура, 6-санлы   мектептин инглис тили  пани мугаллими Кудиярова Амангул ҳәм 2-санлы мектептин инглис тили пани мугаллими Жумамуратова Айнуралар «Domestic animals», «Уй хайуанлары» темасында көргизбели сабақлар өтти. Буннан соң, мектеп оқыўшыларының таярлаған «Funny English» атамасында дөгерек жумыслары көзден өткерилди.Өтилген сабақлар талқыланып 5-санлы мектептин инглис тили  муғаллими Сейилханова Ританын өткен сабагын «үлгили»деп табылып тәжирийбеси район ҳәм республика көлеминде ен жайдырыўға усыныс етилди. 6-санлы мектеп муғаллими А.Кудиярованын, 2-санлы мектеп муғаллими А.Жумамуратованың ҳәм 3-санлы мектеп муғаллими   А.Палуанованың сабақлары  «жақсы» деп баҳаланды. 

Семинар соңында инглис тили пәни муғаллимлерине  фонетика ҳәм грамматикаға көбирек дыққат аўдарып, еледе өз үстинде көбирек ислесиў керек екенлиги ҳаққында пикир-усыныслар берилди.

Sana: 2014-02-01 /// O'qildi: 587
Orqaga qaytish