Prezidentimizdiń basshılıǵında ótken jılı 19-mart kúni jaslarǵa itibardı kúsheytiw, jas áwladtı mádeniyat, kórkem óner, denetárbiyası hám sportqa keńnen tartıw, olarda málimleme texnologiyalarınan durıs paydalanıw kónlikpesin qáliplestiriw, jaslar arasında kitapqumarlıqtı úgit-násiyatlaw, hayal-qızlardıń bántligin támiyinlew máselelerine baǵıshlanǵan videoselektor májilisi ótkerilip, onda mámleketimiz basshısı 5 áhmiyetli baslamanı alǵa qoyǵan edi.

Tórtinshi baslama jaslar mánawiyatın joqarılatıw, olardıń arasında kitapqumarlıqtı keńnen úgit-násiyatlaw boyınsha sistemalı jumıslardı shólkemlestiriwge baǵdarlanǵan.

Usı múnásibeti menen búgin 30-yanvar kúni Qaraqalpaq mámleketlik universiteti jámááti atınan prorektor O.Dúysenbaev tárepinen paytaxtımızda jaylasqan Prezident mektebi oqıwshılarına 100 den aslam ádebiy kitaplar sawǵa etildi. Sonday-aq, oqıwshılar menen sáwbetlesiw barısında kitap oqıwdıń áhmiyeti, búgingi kúnde jaslarǵa jaratılıp atırǵan imkaniyatlar haqqında keń túrde túsinik berdi.