Ózbekstan Respublikası Mámleketlik bajıxana komitetiniń Bajıxana institutı bakalavriatında oqıw múddeti 4 jıl. Institutta tastıyıqlanǵan Mámleketlik tálim standartları tiykarında «Bajıxana isi» hám «Yurisprudenciya» (ekonomikalıq qáwipsizlikti huqıqıy támiynlew) tálim jónelisleri boyınsha qániygeler tayarlanadı.
Institutqa oqıwǵa kiriwdi qálewshi talabanlar ushın:
«Bajıxana isi» tálim jónelisi boyınsha matematika (informatika hám xabar texnologiyaları páni menen birgelikte) (hár bir tuwrı juwap ushın 3,1 ball), shet tili (hár bir tuwrı juwap ushın 2,1 ball), ana tili hám ádebiyat (hár bir tuwrı juwap ushın 1,1 ball) pánlerinen;
«Yurisprudenciya» (ekonomikalıq qáwipsizlikti huqıqıy támiynlew) tálim jónelisi boyınsha tariyx (hár bir tuwrı juwap ushın 3,1 ball), shet tili (hár bir tuwrı juwap ushın 2,1 ball), ana tili hám ádebiyat (hár bir tuwrı juwap ushın 1,1 ball) pánlerinen test sınawları ótkiziledi.
Oqıw dáwirinde tıńlawshılar biypul arnawlı kiyim, jataqxana hám azıq-awqat penen támiyinlenedi.
Tıńlawshılardıń institutta oqıw dáwiri haqıyqıy áskeriy xızmetti ótew múddetine kiredi.
Tıńlawshılar instituttı pitkergennen keyin Ózbekstan Respublikası bajıxana organlarında xızmetti óteydi (jumıs penen támiyinlenedi).

Tańlawda qatnasıw shártleri tómendegishe:

– Orta kásiplik hám orta arnawlı maǵlıwmatına iye bolǵan;
-Ózbekstan Respublikası Prezidentiniń 2006 jıl 14-yanvardaǵı
PQ-257-sanlı qararı menen tastıyıqlanǵan Ózbekstan Respublikası puqaraları tárepinen áskeriy xızmetti ótew tártibi haqqındaǵı nızam talaplarına juwap beretuǵın;
– Áskeriy xızmetti ótemegen 17 jastan kishi (qabıl jılında 17 jasqa tolatuǵınlar) hám 21 jastan joqarı bolmaǵan;
– Áskeriy oficerlik quramı ataqlarına iye bolmaǵan áskeriy xızmetkerler yaki áskeriy xızmetti ótegen 18 jastan kishi hám 25 jastan joqarı bolmaǵan Ózbekstan Respublikası puqaraları tańlaw tiykarında qabıl etiledi.
Talabanlardıń boyı 165 sm.den (qız balalar ushın 160 sm.den) kem bolmawı shárt.
Iyul ayında ótkeriletuǵın juwmaqlawshı test sınaqları hám 4 jıllıq oqıw dáwiri Tashkent qalasında jaylasqan Bajıxana institutında boladı.
Institutqa oqıwǵa kiriw ushın arzalar 2020-jıl 1-aprelge shekem Qaraqalpaqstan Respublikası Bajıxana basqarmasınıń kadrlar bólimi tárepinen qabıl qılınadı.
Mánzil: Nókis qalası, T.Qayıpbergenov kóshesi, 57-jay. Tel: 61/224-90-79, 61/224-97-00, 61/224-16-98.