Taxtakópir rayonlıq xalıq bilimlendiriw bólimine qaraslı 7-sanlı ulıwma orta bilim beriw mektebinde «Puqaralıq qorǵanıw kúni»ne arnalǵan «Biz tınıshlıq tárepdarımız» atamasında seminar bolıp ótti.

Mektep oqıwshıları menen ótkerilgen seminar jumısına Qaraqalpaqstan Respublikası Ayrıqsha jaǵdaylar basqarmasınıń Ómir qáwipsizligi oqıtıw orayı, rayonlıq órt óshiriw bólimi hám rayonlıq xalıq bilimlendiriw bólimi xızmetkerleri qatnastı.

Seminarda ámeliy bilim kónlikpelerin dala sharayatında alıp barıw hám evakuaciyalıq is ilajlar ámelge asırıldı.