Taqıyatas rayonında náwbettegi hákim hám jaslar ushırasıwı bolıp ótti. 1-sektor baslıǵı rayon hákimi F.Allambergenov «Nurlı keleshek» MPJ aymaǵında jaylasqan XBBne qaraslı 2-sanlı ulıwma bilim beriw mekbebining oqıwshı jasları hám sol aymaqtıń jámlespegen jasları menen ushırasıw ótkerdi.

Ushırasıw dawamında jaslarımız isbilermenlik tarawı, jeńilletilgen kreditler, joqarı oqıw orınlarına oqıwǵa tapsırıw hám onıń jeńillikleri boyınsha ózleriniń qızıqtırǵan sorawlarına juwaplar aldı.