Qanlıkól rayonı Xalıq bilimlendiriw bólimine qaraslı 21-sanlı ulıwma bilim beriw mektebinde, Prezidentimiz tárepinen ilgeri súrilgen 5 baslama hám fevral-matematika hám informatika pán aylıǵı sheńberinde, «Men keleshek programmistimen» atamasında jarıs ótkerildi.

Jarıs barısında jaslar, kompyuterde dástúr jaratıw, texnologiyalardan paydalanıw, onı qay dárejede biliwi sıyaqlı ólshemler negizinde, bilimlerin sınnan ótkerdi. Bıyılǵı jıldıń «Ilim-máripat hám sanlı ekonomikanı rawajlandırıw jılı» dep belgileniwi, elimizde, ásirese, jaslar arasında kompyuter texnologiyalarınan paydalanıw hám olardı biliw dárejesin ele de bekkemlewge tiykar bolmaqta.

Jarıs juwmaǵında, jeńimpazlar anıqlanıp, shólkemlestiriwshiler tárepinen “Húrmet jarlıǵı” menen sıylıqlandı.