Ózbekstan Respublikası Bas prokuraturasınıń Qaraqalpaqstan Respublikası Moynaq rayonın rawajlandırıw nızamshılıq orınlanıwı ústinen qadaǵalaw basqarması tarepinen kitapqumarlar arasında «Áwmetli kitap» («Success book») atamasında tańlaw bolıp ótti.
Ilaj jas áwladtıń kitap oqıwǵa, kórkem sózge qızıǵıwshılıǵın arttırıw hám dóretiwshilik qábiletti joqarılatıw maqsetinde shólkemlestirildi.

Kitap oqıwshılardıń oqıwı tiyis bolǵan kitaplar dizimi ótken jıldıń dekabr ayında kitapqumarlarǵa usınıldı. Usı kitaplar boyınsha test formasında dúzilgen tańlawdıń birinshi basqıshı Moynaq sanaat-tansport kásip-óner kollejdinde ótkerildi. Ekinshi basqıshı bolsa, rayon orayındaǵı «Book café» ótkerilip, kitapqumarlar tayarlanıp qoyılǵan sorawlarǵa juwap beriwi tiyis boldı.
Tańlawǵa rayonda jasawshı 11-18 jas aralıǵındaǵı 150 ge jaqın jaslar qatnastı.
Sıylıqlaw saltanatı jaqın kúnlerde ótkeriledi.