Usı jıldıń 5-mart sánesinde “Mahalla” gazetasında Ómirbay Esbergenovtıń avtorlıǵında járiyalanǵan “Muammolar echimi uchun vazir yoki senator olis ovulga borishi shartmi?” atlı maqalasında Kegeyli rayonlıq XBBne qaraslı 24-sanlı ulıwma bilim beriw mektebiniń ahwalı tómen jaǵdayda ekenligi aytılǵan edi.

Usı maqala tiykarında rayonlıq xalıq bilimlendiriw bóliminiń isshi toparı tárepinen úyrenildi hám tómendegilerdi málim etedi.
Kegeyli rayonlıq Xalıq bilimlendiriw bólimine qaraslı “Qumshungul” APJ aymaǵında jaylasqan 24-sanlı ulıwma bilim beriw mektebi 1989-jılı 180 oqıwshı orınǵa mólsherlenip qurılǵan bolıp, búgingi kúnde 157 oqıwshı bilim almaqta.

Mektep imaratında aqırǵı márte 2009-jılı kapital ońlaw jumısları alıp barıldı. Mektep jaylasqan aymaqta gaz basımı az bolǵanlıǵı sebepli qosımsha 16 tonna kómir otın rejelestirilip, tolıǵı menen jetkerip berilgen.
Mekteptiń ısıtıw qazanları qolbola bolǵanlıǵı sebepli 2016-jıl jergilikli byudjet esabınan qarjı ajıratılıp qazanları zamanagóy gaz hám kómir otınǵa maslastırılǵan qazanlarǵa almastırıldı.
2020-2022-jıllarǵa rejelestirilgen mánzilli dástúr tiykarında 24-sanlı ulıwma bilim beriw mektebinde 2021-jılı kapital rekonstrukciya jumısları alıp barıw ushın rejege kirgizilgen.