Moynaq rayonı xalıq bilimlendiriuw bólimine qaraslı mektep oqıwshıları arasında “Jas qutqarıwshı” atamasında tańlaw ótkerildi.

Ilajdı Qaraqalpaqstan Respublikası Ayrıqsha Jaǵdaylar Basqarması, Moynaq rayonı Ayrıqsha jaǵdaylar bólimi, Ózbekstan Jaslar awqamı rayonlıq keńesi hám Moynaq rayonlıq xalıq bilimlendiriw bólimi tárepinen shólkemlestirildi.

Oqıwshı jaslar belgilengen 4 shárt boyınsha toparlarǵa bólinip, bilim hám tájiriybelerin sınnan ótkerdi.
Nátiyjede 4-sanlı mektep oqıúshıları “Úmit ushqınları” toparı birinshi orındı iyelep, jeńiske eristi.

Jeńiske erisken topar respublikalıq basqıshqa jollama aldı. Ilaj jas qutqarıwshılar arasında qızǵın bellesiwlerge bay boldı. Jarıs qatnasshıları diplom xám qımbat bahalı sawǵalar menen sıylıqlandı.