Ózbek tilindegi «mutaxassis», rus tilindegi «specialist» sózleri Qaraqalpaq tiliniń rásmiy is-qaǵazlar stilinde eki túrli usılda jazılıp júrgenin kóremiz. Kimdur bul sózdi «qániyge» dep jazsa, ayırımları «qánige» dep jazadı. Qaysısı durıs? Qaraqalpaq tiliniń túsindirme sózliginiń («Qaraqalpaqstan» baspası 1988-jıl) úshinshi tomında «qánige» sózine – maman, bilgir, jetik, – dep túsinik berilgen.

Sonday-aq, «qánigelik» sózine – mamanlıq, óz kásibin jaqsı biliwshilik, belgili bir kásiptiń túri, bilgiri, jetigi, – dep túsinik berilgen. Demek, túsindirme sózlikke júginer bolsaq «qániyge» dep jazıw qáte boladı.