Ózbekstan Respublikası Prezidentiniń 2018-jıl 2-fevraldaǵı «Hayal-qızlardı qollap-quwatlaw hám shańaraq institutın bekkemlew tarawındaǵı jumıslardı túp-tiykarınan jetilistiriw ilajları haqqında»ǵı Pármanına muwapıq, respublika kóleminde belgilengen is-ilajlar baǵdarında birqansha inabatlı jumıslar atqarılıp kelinbekte.

Qanlıkól rayonı Xalıq bilimlendiriw bólimine qaraslı 2-sanlı ulıwma bilim beriw mektebinde, 8-mart «Xalıqaralıq hayal-qızlar kúni», 21-mart «Nawrız» bayramı múnásibeti menen «Gózzal qızlar» atamasında tańlaw shólkemlestirildi.

Tańlawǵa mekteptiń joqarı klass oqıwshıları qatnastı. Bir-birinen qızıqlı shártler negizinde ótkerilgen tańlawda, qızlar oratorlıq, aspazlıq, kesteshilik, tigiwshilik hám ayaq oyın sıyaqlı jónelisler boyınsha óz ónerlerin kórsetti.

Tóreshiler quramınıń ádil bahalawlarına súyengen halda, tańlaw jeńimpazları anıqlanıp, shólkemlestiriwshiler tárepinen múnásip sıylıqlandı.