Búgin, 12-mart kúni Qaraqalpaqstan Respublikası Xalıq bilimlendiriw ministrliginiń májilisler zalında PISA hám PIRLS xalıqaralıq bahalaw dástúrlerine tayarlıqlar kóriwge arnalǵan videoseminar bolıp ótti.

Oǵan usı jıldıń aprel-may aylarında bolıp ótetuǵın tájriybe-sınaw processleri ushın tańlap alınǵan mekteptiń direktorları hám koordinatorları, hár bir mektep ushın biriktirilgen AKT qánigeleri sonday-aq, rayon(qala)lıq xalıq bilimlendiriw bólimlerindegi juwapker xızmetkerler qatnastı.

Videoseminarda tańlaǵan mekteplerdi kompyuterler menen támiyinlew, olardı arnawlı baǵdarlama boyınsha diognostikalaw, tájiriybe-sınaw xanaların tayarlaw, mektep administraciyası hám juwapker xızmetkerlerdiń wazıypaları, maǵlıwmatlardı qáliplestiriwge qoyılatuǵın talaplar hám tájiriybeni shólkemlestiriwdiń ózine tán máseleleri sóz etildi.