2019-2020-оқыў жылында Мойнақ  районлық Халық билимлендириў бөлимине қараслы улыўма билим бериў мектеплеринде 11 классты 386 оқыўшы питкерди. Жақында Мойнақ районлық ХББ қараслы 4-санлы улыўма билим бериў мектебинде  пәнлерди айрықша баҳалар менен меңгерген зейинли оқыўшыларды алтын, гүмис медальлар менен хошаметлеў кешеси болып өтти.

Кешеде район ҳәкиминиң жаслар сиясаты, соцаллық раўажландырыў ҳәм руўхый-ағартыўшылық мәселелери бойынша орынбасары Б.Меңлибеков, Қарақалпақстан Республикасы Халық билимлендириў министрлигиниң билим сыпаты мониторинги бөлими қәнигеси Р.Узақбергеновлар сөзге шығып, оқыўшылардың ерисип атырған табысы менен қызғын қутлықлап, алдағы ўақытларда буннан да үлкен жетискенликлерге ерисиўине тилеклеслик билдирди.