Nókis qalasındaǵı Prezident mektebi Baspasóz xızmetiniń baslaması menen “Nukus PS FM” radio jaybar baslandı. Qaraqalpaqstan Respublikası Xalıq bilimlendiriw ministrliginiń málim etiwinshe, bul joybardıń tiykarǵı maqseti oqıwshı jaslardıń ǵalaba xabar quralları tarawındaǵı bilimlerin rawajlandırıw hám olardıń usı taraw boyınsha qábiliyetin júzege shıǵarıw ushın imkániyatlar jaratıwdan ibarat.

Joybardıń “Special guest” – “Arnawlı miyman” dáslepki esittiriwinde mektep direktorı A.T.Ubbiev hám sırt elli oqıw isleri direktori Frankie Nelson Stephensen óz intervyuları menen qatnastı.

Aldaǵı waqıtları okıwshılardıń qızıǵıwshılıǵın inábatqa alıp radio esittiriwler sanın kóbeytiwdi maqset etken hám radio baslawshılıqqa qábiliyetli oqıwshılardı saylap alıw ushın kasting járiyalandı.
Radioesittiriwlerdi uzatıwshı kolonkalar mektep imáratları ishinde jaylasqan bolıp, esittiriwler 4 tilde yaǵnıy, qaraqalpaq, ózbek, rus hám ingliz tillerinde alıp barıladı.